Бишкекте өтө турган Азиялык лицензиялык мелдешке эркин күрөш боюнча кыргызстандык балбандардан кимдер катышары белгилүү болду. Бул турнирде спортчулар Олимпиада оюндарынын лицензиясы үчүн күч сынашат.
Дене тарбия жана спорт департаменти Reporter.kg’ге билдиргендей, 19-21-апрелде өтө турган лицензиялык турнирге өлкө атынан 6 балбан катышат.
Мелдешке катыша турган балбандардын тизмеси:
- Бекзат Алмаз уулу – 57 кг
- Эрназар Акматалиев – 65 кг
- Орозобек Токтомамбетов – 74 кг
- Нуртилек Карыпбаев – 86 кг
- Андрей Аронов – 97 кг
- Айаал Лазарев – 125 кг
Эскерте кетсек, эркин күрөштө 57, 65, 74, 86, 97 жана 125 кг салмактар олимпиадалык болуп саналат. Азырынча эркин күрөштөн кыргызстандык балбандар Олимпиадага жолдомо ала элек.
Олимпиаданын лицензиясы үчүн кайсы грек-рим балбандары күрөшөрү айтылды