АКШнын мамлекеттик катчысы Майк Помпео февралдын башында Украинага, Беларуска, Казакстанга жана Өзбекстанга келет. Бул тууралуу Борбор азия жаңылыктар кызматы жазды.
Маалыматка караганда, Помпео 1-февралга белгиленген Казакстандагы сапарынын алкагында президент Касым-Жомарт Токаев, экс-президент Нурсултан Назарбаев жана тышкы иштер министри Мухтар Тлеуберди менен жолугат.
2-февралда мамлекеттик катчы Ташкентке барып, Өзбекстандын президенти Шавкат Мирзиёев жана премьер-министр Абдулазиз Камилов менен сүйлөшүүлөрдү өткөрөт. 3-февралда Помпео Ташкентте «С5+1» форматынын алкагында Казакстан, Кыргызстан, Тажикстан, Түркмөнстан жана Өзбекстандын тышкы иштер министрлери менен жолугат.
АКШ мамлекеттик катчысынын бул сапары январдын башына белгиленген, бирок Жакынкы Чыгыштагы абалдын курчушуна байланыштуу кийинкиге жылдырылган.