АКШнын мамлекеттик катчысынын Борбор жана Түштүк Азия боюнча жардамчысы Дональд Лу Кыргызстан жана Тажикстанга сапар менен келет. Бул тууралуу Мамлекеттик департаменттин сайтында айтылат.
Маалым болгондой, сапар 22-27-апрелге белгиленген. Анын алкагында Дональд Лу Кыргызстандын өкмөт жетекчилиги менен жолугушат. Анда эки тараптуу жана аймактык кызматташтык талкууланат.
Андан тышкары, ал экономика тармагынын лидерлери жана жарандык коомдун өкүлдөрү менен жолугушуу өткөрөт.
Эскерте кетсек, Дональд Лу 2018-2021-жылдары АКШнын Кыргызстандагы элчиси болуп иштеген.
Биздин Телеграм каналыбызга катталыңыз