Аксы районунда 5 жаштагы кызды зордуктоого аракет кылган адам кармалды. Аталган маалыматты Reporter.kg`ге облустук милициянын басма сөз катчысы Шеркул Турганбаев тастыктады.
Маалыматка караганда, 20-декабрда Аксы районундук милициясына жубайлар кайрылып, алар 19-декабрь күнү базарга кеткен маалда үйүнө белгисиз адам кирип, 5 жаштагы кызына ыпылас иш аракеттерди жасаганын билдиришкен.
Бул факты Жазык кодексиндеги 165-берене («Ыпылас аракеттерди жасоо») менен Кылмыштардын жана жоруктардын бирдиктүү реестрине катталып, сотко чейинки өндүрүш иши ачылган.
Ыкчам иликтөө иштеринин жыйынтыгы менен бул ишке шектүү катары 1980-жылы туулган Аксы районунун тургуну кармалып, эки айга тергөө абагына киргизилген.
Сотко чейинки өндүрүш иштин алкагында, соттук-биологиялык, соттук-психиатриялык экспертизалар дайындалып, тергөө иштери башталган.