Аксыда 15 күн мурун сууга агып кеткен өспүрүмдүн жансыз денеси Өзбекстандан табылды. Бул тууралуу Өзгөчө кырдаалдар министрлигинин басма сөз кызматынан кабарлашты.
Маалыматка ылайык, Жалал-Абад облусуна караштуу Аксы районунун Үч-Коргон айыл аймагында 14-июнь күнү 17 жаштагы бала Нарын дарыясына түшүп кеткен.
Аны издөө иштерине куткаруучулар тартылып, бирок натыйжа берген эмес.
Кечээ, 28-июнда Өзбекстанда белгисиз эркек адамдын жансыз денеси табылып, ал сууга аккан Аксы районунун тургуну экени аныкталган.
Кийин маркумдун жакындарына кабарланып, Өзбекстандын чек ара кызматы өспүрүмдүн жансыз денесин өткөрүп берген.
