Бүгүн, 3-майда Бишкекте Бириккен улуттар уюмунун кеңсесинин алдына жарандык активист Өндүрүш Токтонасыров митингге чыкты.
Активист Эмомали Рахмон эгемен Кыргыз өлкөсүнүн элине кол салганын айтып, ал мыйзам чегинде жооп бериш керек деген ойдо.
“Аскердик агрессия үчүн Эл аралык сот алдында жооп берүүгө тийиш. БУУнун баш катчысы Кыргыз өлкөсүнө келип, окуя болгон аймакты көрүп так позициясын айтып, каңырыгы түтөп турган элге моралдык колдоо көрсөтсүн. Аскердик агрессия жасаган Тажикстандык жетекчилерди кылмыш жоопкерчилигине тартууга көмөктөшсүн», — деп жазган ал өз билдирүүсүндө.
