Социалдык тармактарда 5-июнда активисттер «Тажадым!» аттуу онлайн митинг өткөрүшөт. Бул тууралуу уюштуруучулар соцтармактарга жарыя кылышууда.
Маалыматка ылайык, митинг facebook, instagram баракчалары аркылуу түз эфирде саат 20.00дө башталат. Анда өлкөнүн туңгуюк абалы, чек ара маселеси, блогерлерди басмырлоо, ишке ашпаган реформа, коррупция жана башкалар тууралуу ойлорун айтышмакчы.
«Өлкөдө татыктуу жашагың келсе, ууру менен жемкорлордон тажасаң, анда биринчи онлайн митингге кошул», — деген чакырыктарын дагы кылышууда активисттер.
