Министрлер кабинетинин төрагасы Акылбек Жапаров ооруп жатканына карабастан кыргыз-казак Өкмөттөр аралык кеңешинин 10-жыйынына келди. Бул туурасында журналист Айжан Омолдошева социалдык тармакка жазды.
“Ооруканда дарыланып жатканына карабай, Акылбек Үсөнбекович кыргыз-казак өкмөттөр аралык кеңешинин жыйынына келди. Демейде жадырап жайнап баарыбыз менен учурашканды бүгүн да унуткан жок. Өңүнөн ооруп атканы көрүнүп турса да сыр бербей жыйынга катышып жатат. Демек мамлекеттин кызыкчылыгын Акылбек Жапаров өзүнүн ден соолугунан бийик коет. Аз убакытка гана дарыгерден уруксат алып келиптир көрсө” – деп пикирин билдирген.
Анын жүрөгүнөн жапа чегип Бишкектеги ооруканалардын биринде дарыланып жатканы кабарланган болчу.
