Ала-Арча капчыгайындагы Рацек чокусунда кырсыкка учураган россиялык альпинист куткарылды. Бул тууралуу Өзгөчө кырдаалдар министрлиги билдирди.
Маалыматка караганда, 41 жаштагы альпинист 4 миң 300 метр бийиктиктеги чокуга чыгып бара жатып бутунан жаракат алган. Ага жардам берүүгө авиация кызматы тартылып, чет өлкөлүк жаранды тик учак менен деңиз деңгээлинен 3 миң 900 метр бийиктиктен алып түшүшкөн.
Куткаруучулар альпинистти ооруканага жеткиришти.
Биздин Телеграм каналга катталыңыз