Социалдык тармактарда Аламүдүн районунун Төмөнкү Ала-Арча айылында өз үйүндө өлтүрүлгөн 26 жаштагы кыздын өлүмү тууралуу ар кандай пикирлер айтылып, талкуу жүрүүдө.
Алардын айрымдары бул ишти ички иштер органдары тыкыр көзөмөлгө алуусун өтүнүп, кылмышкерлерди кармоону талап кылышууда.
Чүй облустук милициясынын билдиришинче аталган ишти Чүй ОИИББинин жетекчилиги өз көзөмөлүнө алган.
“Учурда аталган ишти иликтеп, кылмышкерлерди кармоо үчүн министрликтин, облустук башкармалыктын жана Аламүдүн районунун тажырыйбалуу дасыккан адисттеринен топ түзүлүп иштеп жатат.Биздин кызматкерлер ыкчам иш-аракеттерди көрүшүүдө, алар тууралуу тергөөнүн кызыкчылыгына байланыштуу айта албайбыз”, — деп билдиришти басма сөз кызматынан.