Ала-Арча капчыгайында тоодон кулап кеткен киши изделүудө. Бул тууралуу ӨКМдин басма сөз кызматы билдирди.
Маалыматка караганда, 14-август күнү Ала-Арча капчыгайынын жогору жагында «Учитель» чокусунан түшүп келе жатып 1 эркек киши тоодон кулап түшкөндүгү тууралуу маалымат 112 кызматына түшкөн.
Жерине ӨКМдин КДМБнан (Эдельвейс куткаруучулар тобу) 6 куткаруучу тартылып, саат 20:30да Ала-Арча паркына жетишти.
Куткаруучулар «Хижина Рацека» альпинисттердин лагеринде жетишип, кеч киргендигине байланыштуу куткаруу иштери бүгүн, 15-августта жүргүзүлөт.
Бардык жаңылыктар Телеграм каналда