Бишкекте алдамчылыкка шектелип 51 жаштагы жаран кармалды. Бул тууралуу Бишкектин Ленин райондук милициясынан билдиришти.
Маалыматка караганда, 4-ноябрда милицияга А.Ж. аттуу жаран кайрылып, Ж.А. аттуу жаран быйыл 3-августта баасы 6 миң долларлык Subaru Impreza унаасын бөлүп төлөө жолу менен сатып алуу шылтоосу менен алып, аны башка адамдарга сатып салганын билдирген.
Бул факт каттоого алынып, Кылмыш кодексинин 209-беренеси (алдамчылык) боюнча кылмыш иши козголгон.
Ыкчам-тергөө иштеринин натыйжасында шектүү катары 51 жаштагы Ж.А. аттуу жаран кармалган.
Райондук соттун чечими менен шектүү №1 тергөө абагына эки айга камакка алынган.
Учурда иликтөө уланууда.
Биздин Телеграм каналга катталыңыз