Тергөөнүн жүрүшүндө КСДП фракциясынан Талас шаардык кеңешинин мурдагы депутаты Самидин Жоробеков камакка алынды. Бул тууралуу Улуттук коопсуздук мамлекеттик комитетинен билдиришти.
2017 -жылдан бери Жоробеков алдамчылыкка шектелип издөөдө жүргөн.
«Экс-депутат Ж.С. 2017 -жылы алдамчылык жолу менен чет элдик инвесторлордон 7 миллион сомдон ашык суммадагы материалдык мүлктү жана каражаттарды тартып алган. Жыйынтыгында ал КРнын Ички иштер министрлиги тарабынан издөөдө жүргөн. Бишкек шаарынын Биринчи Май райондук соту экс-депутат «Ж.С.» 2021 -жылдын 18 -октябрына чейин УКМКнын тергөө абагында кармоо түрүндө баш коргоо чарасы тандалды», — деп айтылат УКМКнын маалыматында.