КСДП партиясынын мүчөсү, мурдагы президент Алмазбек Атамбаевдин тарапташы Алга Кылычовго карата өкүм чыкты.
Жогорку Соттун маалыматында, Аламүдүн райондук соту аны 10 жылга эркинен ажыратты. Жаза мөөнөтүн түзүтүү колониясында өтөйт.
«Далилдер жок соттошту. Мен ачыгын айтайын, өз өмүрүмө кол салбайм. Бир балээ болсо эч качан ишенбегиле. Менин мындан аркы өмүрүмө, ден соолугума Садыр Жапаров менен Камчыбек Ташиев жооптуу болот. Алар мени Бакиевдерди алып келүү үчүн камап жатышат», — деп Алга Кылычов соттун өкүмүнө оюн билдирди.
Алга Кылычовго 2019-жылкы «Кой-Таш» окуясында кишини барымтага алуу айыбы тагылган.