Мурдагы президент Алмазбек Атамбаевдин камактагы мөөнөтү 15-мартка чейин узартылды.
Мындай чечимди Бишкектин Биринчи май райондук соту УКМКнын имаратында өткөн сот отурумунда чыгарган.
Алмазбек Атамбаев кримтөбөл Азиз Батукаевдин түрмөдөн мыйзамсыз бошотулганына байланыштуу жана бир катар оор беренелер менен айыпталууда.
Ал 8-август күнү Кой-Таш айылындагы үйүндө күч түзүмдөрүнүн атайын операциясы учурунда кармалып, УКМКнын тергөө абагына киргизилген.