Кыргызстанда быйыл январь-июнь айларында 3 миң 59 жол кырсыгы катталды. Бул тууралуу Улуттук статистика комитетинин айлык чыгарылышында айтылат.
Өткөн жылдын алты айына салыштырмалуу 1,2 пайызга көбөйдү. Алардын эң көп үлүшү Бишкек шаарына (43,9 пайыз), Чүй (20,3 пайыз) жана Ош облустарына (10,1 пайыз) туура келди.
Быйыл жол кырсыгына жабыркагандардын саны 1,1 пайызга (4464 адам), каза болгондор 4,1 пайызга (280 адам) өстү.
Балдар катышкан жол кырсыгы 5 пайызга кыскарган, анда 900ү ар кандай жаракат алып, 36сы көз жумду.