Кечээ, 7-августта Кой-Ташта мурдагы президент Алмазбек Атамбаевди кармоо операциясында 48 адам жаракат алган. Бүгүн, 8-августта алардан вице-премьер-министр Алтынай Өмүрбекова кабар алды.
Алтынай Өмүрбекова жана саламаттык сактоо министри Космосбек Чолпонбаев жаракат алгандарга тийиштүү медициналык дары-дармек менен камсыздоону тапшырышты.
Жогоруда айтылган 48 адамдын тогузу амбулатордук дарыланууда, бирөө каза болуп калды.
Учурда ооруканаларда жаткандардын саны 38ге жетти.