Таластагы Жерүй алтын кенин иштеткен «Альянс Алтын» компаниясынын кызматкерлери Jaz Demi–2023 жарышына катышты. Бул тууралуу аталган компаниядан билдиришти.
Мелдеш 23-апрелде өтүп, ага жалпы 3 миңге жакын адам катышкан. Алардын ичинен компаниянын 30 кызматкери жарышка түшкөн. Алар 5 жана 10 чакырымга чуркаган.
«Альянс Алтын» спорттук-массалык иш-чараларды колдоп келет. Себеби, спорттун ден соолукка пайдасынан тышкары, башка жарандарга жакшы үлгү болуу менен өлкөдөгү спорттун өнүгүшүнө өбөлгө түзөт. Компания жыл сайын марафондук жарыштарга катышып келет.
«Альянс Алтынтын» командасы үчүн бул мелдешке катышуу эсте каларлык окуя болду. Ал командабызга дем-күч берип, эмгек жааматыбыздын башын бириктирди», — деп билдирет компания.
Биздин Телеграм каналга катталыңыз