Түркиянын Анталия шаарындагы Топчулар районунда кыргызстандык кыз менен жигит жол кырсыгына кабылды. Алар оор жаракат алышты. Бул тууралуу жергиликтүү маалымат булактары жазып чыгышты.
Окуя кечээ 4-августка караган түнү болгон. Мотоциклде бараткан эки кыргызстандыкты катуу ылдамдыкта келе жаткан автомашина артынан сүзүп, качып кеткен.
«Кырсык болгон жерге Анталиянын полициясы жана «Тез жардам» кызматы барган. Жабыркаган кыздын белине оор операция жасалды. Жигит Анталия шаардык ооруканасынын жандандыруу бөлүмүндө жатат. Учурда жол кырсыгы боюнча кылмыш иши козголуп, шектүү түрк жараны кармалганы белгилүү болду», — деп жазылат маалыматта.