Антонина Шевченко UFC кыз-келиндердин жеңил салмагы боюнча рейтингинде 14-орунга көтөрүлдү.
Жаңыланган рейтинг 22-ноябрда АКШнын Невада штатындагы Лас-Вегас шаарында өткөн UFC 255 турниринин жыйынтыгы боюнча түзүлүп, кыргызстандык спортчу бразилиялык Ариана Липский менен беттешип, техникалык нокаут менен жеңишке жетишкен.
Бул жеңиш менен ал 14-орунга көтөрүлүп, Монтана Де Ла Россту артта калтырды.
Антонина Шевченко 1984-жылы 20-ноябрда Фрунзе, азыркы Бишкек шаарында туулган. Спортчу муай тай жана аралаш мушташ өнөрү боюнча дүйнө чемпиону.
