Ара-Көл көлүндө авто ээнбаштык жасаган айдоочуга 7500 сом айып салынды. Бул тууралуу Жол кыймылы коопсуздугун камсыздоо боюнча башкармалыгынын басма сөз кызматы билдирди.
Маалыматка караганда, социалдык тармактарда Кочкор районундагы Ара-Көл көлүндө муз үстүндө “Дэу Матиз” үлгүсүндөгү унаа жаш балдарды чанага отургузуп, аларды сүйрөп жаткандыгы боюнча видео жарыяланган.
Бул факты боюнча Кочкор РИИБдин ЖККБнын кызматкерлери ыкчам издөө иш-чараларын жүргүзүп, унаанын айдоочусуна 7500 сом айып салуу менен унаасын убактылуу токтотуучу жайына киргизишкен.
Биздин Телеграм каналга катталыңыз