Site icon Reporter.kg

Араванда буудай кымбаттады

Ош облусунун аймагында буудайдын баасы кымбаттап, дыйкандар быйыл анын килосун 30 сомго чейин сатышууда. Бул тууралуу Араван райондук администрациясынын агрардык өнүктүрүү бөлүмүнөн билдиришкенин “Акчабар” жазды.

Былтыр Араванда буудайдын килограммы 12-13 сомдон сатылган.

“Быйыл дыйкандарга келген кардарлар дүңүнөн 25 сомдон алса, базарда буудайдын баасы 30 сомго чейин сатылууда. Баанын өскөндүгү дыйкандарга көп деле киреше алып келбейт, себеби түшүм аз болгон”, — деди Араван райондук администрациясынын агрардык өнүктүрүү бөлүмүнүн башчысы Пайзылда Мырзабарамов.

Ошто негизинен буудай Араван жана Кара-Суу райондорунда айдалат. Араванда быйыл 1 миң 115 гектар жерге буудай эгилген. Ал эми облус боюнча 40 миң 492 гектар жерге айдалат.   

Exit mobile version