Транспорт министрлиги ашууларга кар жааганын жана ал жактагы абал тууралуу маалымат берди.
Министрлик Төө-Ашууда кар жаап жатканын, буга чейин Сосновка постунда оор жүк ташуучу унааларга киргизилген убактылуу чектөө алына электигин билдирет. Жеңил унаалар үчүн жол ачык. Атайын унаалар жолду кардан тазалап, жумушчулар кум себүүдө.
Ушундай эле жумуштар Өтмөк жана Ала-Бел ашууларында аткарылып жатат. Жол ачык.
Ошондой эле, Бишкек-Нарын-Торугарт унаа жолунун Долон, Кызыл-Бел ашууларында да кум чачуу иштери жүрүп жатат. Каттам бар.
Ош-Сары-Таш-Эркечтам жолунун Талдык жана Тоң-Мурун ашууларында жол ачык, каттам бар.
Министрлик айдоочуларды карама-каршы тилкеге чыкпоого, унаа дөңгөлөктөрүн кышкыга алмаштырып алууга чакырат.