Бүгүн, 14-декабрда Кыргызстандын туңгуч президенти Аскар Акаев эртең мененки рейс менен Кыргызстанга келди. Бул тууралуу маалымат каражаттары жазышууда.
Алардын айтымында, ал уулу менен учуп келген.
Акаевдин келгени тууралуу маалыматты Reporter.kg’ге өздүк булактар тастыкташты.
Республиканын мурдагы премьер-министри Феликс Кулов белгилегендей, Аскар Акаев эми Кыргызстанга каалаган убакта, эч ким менен макулдашпай эле келе алат.
«Анын сапары «Кумтөр» боюнча козголгон кылмыш ишине байланыштуу болушу мүмкүн, тергөө иштери дагы эле уланып, айрым маселелерди тактоо зарыл болушу мүмкүн. Бирок, балким, анын келиши жаңы жыл алдындагы жеке, үй-бүлөлүк маселелерге байланыштуу», — деди Кулов.