Өткөн аптада Бишкекке келген Кыргызстандын тунгуч президенти Аскар Акаев Москвага кайра кетти. Бул тууралуу Reporter.kg’ге өздүк булактар билдирди.
Өздүк булактын маалыматына ылайык, экс-президенттен “Кумтөр” боюнча бардык шектенүүлөр алынып, тергөө “Кумтөр” кениндеги инвесторлор менен келишим түзүүдөн акча жана жеке пайда алган эмес деген бүтүм чыгарган.
“Аскар Акаев Кыргызстанга каалаган убакта ээн-эркин келе алат”, — деп кошумчалады булак.
Аскар Акаев Кыргызстанга 2005-жылдан бери биринчи жолу ушул жылдын август айында келген. Ал Кумтөр иши боюнча УКМКда көрсөтмө берди. Экинчи ирет ал Бишкекке өткөн аптада келген.