Кыргызстандын тунгуч президенти Аскар Акаевдин уулу Айдар Акаев каза болду. Бул тууралуу Акаевдардын жакын туугандары билдиргенин 24.kg сайты жазды.
Алдын ала маалыматтарга ылайык, бүгүн, 6-февралга караган түнү анын жүрөгүнүн согушу токтоп калган.
Айдар Акаев 20-февралда 44 жашка чыкмак. Ал Москвада ишкерлик менен алектенчү. Анын артында жубайы, эки баласы калды.
Белгилей кетсек, Аскар Акаевдин 4 баласы бар – Бермет, Айдар, Саадат жана Илим.