Бишкектеги “Баткен-Комфорт” базары соодагерлерден мыйзамсыз акча чогултуп турган. Буга байланыштуу УКМК иш козгоп, базардын жетекчилигин кармады.
Маалыматка караганда, соода жайынын башкы директору жана анын орун басары менен бухгалтери кармалды.
Алар күзөт кызматынын акысы ижара келишимине кошулгандыгына карабай, кошумча 500 сомдон 2 миң сомго чейин акча чогултуп, жылына 3 миллион сомду мыйзамсыз топтошкон.
Андан сырткары, август айында ижара акысын негизсиз 33 пайызга жогорулатып, ири өлчөмдөгү салыкты төлөбөй жүрүшкөн.
Белгилей кетсек, аталган базар Жогорку Кеңешинин 4 чакырылышынын депутаты, мурдагы биринчи вице-премьер-министр Аскарбек Шадиевге таандык.
Биздин Телеграм каналга катталыңыз