Кыргызстандыктар аскерге баруунун ордуна альтернативдик кызматка акча төлөөнү туура көрөт. Бул тууралуу “Акчабар” порталы билдирди.
Финансы министрлигинин маалыматында, 2023-жылы аскерде кызмат өтөөгө байланыштуу төлөмдөр 31,2 пайызга көп чогулган. 2022-жылдын 11 айында 772,6 миллион сом чогулса, 2023-жылы бул көрсөткүч 1 миллиард 14,2 миллин сомго жетти.
Белгилей кетсек, альтернативдик кызматтын акысы көтөрүлгөн эмес. Демек өткөн жылы аскерге чакырылган жарандардын көбү акча төлөп кутулууну туура көрүшкөн. Учурда акысы 18 миң -50 миң сом өлчөмүндө.
Коргоо министрлигинин маалыматында, аскерге чакырылган 40 миң жарандын 25 миңи альтернативдүү жолду тандайт.
2023-жылы аскерде кызмат өтөөнүн мөөнөтүн 14 айга чейин узартылды.
Аскерге барбагандар 300 миң сом төлөйт. Мыйзам долбоор талкууда
Биздин Телеграм каналга катталыңыз