«Ата-Бейит» Улуттук тарыхый-мемориалдык комплексинде кыргыз-тажик чек арасында курман болгон чек арачыларга арналып эстелик орнотулат. Бул тууралуу президент Садыр Жапаров чек арада курман болгон үч чек арачы – Шерали Анаркулов, Санжарбек Анаркулов жана Жаңыбай уулу Тилектин тажыясында билдирди.
Аталган үч чек арачы танк экипажынын мүчөлөрү болуп, куралдуу кагылыш учурунда танктын ичинде тирүүлөй күйүп кетишкен.
«Ата-Бейит» улуттук тарыхый-мемориалдык комплексинде Баткен облусунун аймагында мамлекеттик чек араны коргоодо аскердик милдетин өтөө учурунда курман болгон аскер кызматчыларынын элесин түбөлүккө калтыруу максатында эстелик орнотулат», — деди ал.
Эскерте кетсек, кыргыз-тажик чек арасында Тажикстандын агрессиясынан улам чыккан куралдуу кагылышта Кыргызстан тараптан 62 киши, анын ичинде 40 аскер кызматкери курман болгон.
Биздин Телеграм каналга катталыңыз