ИИМдин Атайын багыттагы полкунда окуучулар үчүн ачык эшик күнү уюштурулду. Бул тууралуу Ички иштер министрлигинин басма сөз кызматы билдирди.
Министрликтен белгилешкендей, ачык эшик күнү 22-февралда президенттин «Инсандын руханий-адеп-ахлактык өнүгүүсү жана дене тарбиясы жөнүндө» жарлыгынын талаптарын аткаруу жана 23-февраль — Ата Мекенди коргоочулар күнүнө карата уюштурулган.
«Ачык эшиктин жүрүшүндѳ мектеп окуучулары үчүн курал-жарактардын, атайын техникалардын көргөзмөсүн уюштуруп, кызматкерлердин күнүмдүк аткарган кызматы жана күжүрмөн даярдык машыгуудагы кѳнүгүүлѳр кѳргѳзүлдү. Жогорудагыдай иш-чаралар келечек муундарды патриоттулукка тарбиялоого үндөйт», — деп айтылат маалыматта.
Биздин Телеграм каналга катталыңыз