“Форум” ишканасынын алдында уюштурулган митингдин катышуучулары экс-президент Алмазбек Атамбаев, Өмүрбек Бабанов жана Сапар Исаковдун коштоосунда борбордук аянтка жол тартты.
Алар учурда 7-апрель көчөсү аркылуу кетип баратышат.
Бүгүн Бишкекте үч жерде митинг уюштурулуп жатат. “Форум” ишканасына чогулгандар президент Сооронбай Жээнбеков, Раимбек Матраимовдордун үй-бүлөсүнө каршы ураандарды айтышты. Ал эми темир жол бекетинде топтолгондор Кыргызстандагы кылмыштуу топторго каршы акция уюштуруп, соңку күндөрү алар болуп көрбөгөндөй баш көтөрдү деп кабатыр болууда.
Ал эми премьер-министр катары иш алып барып жаткан Садыр Жапаровдун тарапташтары борбордук аянтта топтолуп турат.
4-октябрдагы парламенттик шайлоодон кийин Кыргызстанда коомдук-саясий кризис уланууда.