Ирандагы соңку тополоңдо кеминде 200 адам каза болуп, мамлекеттик, коомдук жана жеке уюмдар 200 миллион доллардан ашык зыян тартты, деп айтылат Ислам Республикасынын Ички иштер министрлигинин Коопсуздук кеңешинин билдирүүсүндө.
«Бүгүнкү күндө башаламандыктын натыйжасында 200 адам каза болду, аларды төмөнкү топторго бөлүүгө болот: күч түзүмдөрүнүн арасында каза болгондор; террордук актылардан каза болгондор; жоюлуунун натыйжасында каза болгон бейкүнөө жарандар, куралдуу топтор, башаламандыктардын катышуучулары, ошондой эле куралдуу контрреволюциячыл жана сепаратисттик топтордун мүчөлөрү», — деп айтылат Tasnim агенттигинин билдирүүсүндө.
Ички иштер министрлиги башаламандыктар учурунда мамлекеттик жана жеке уюмдарга миңдеген миллиард ирандык туман чыгым болгонун белгилейт (1 триллион туман 200 миллион долларга туура келет).
Иранда сентябрдын ортосунан бери полиция тарабынан кармалгандан кийин каза болгон Махса Аминин өлүмүнө байланыштуу массалык башаламандыктар жана нааразылык акциялары өтүп жатат. Өлкөнүн жарандары Махсанын өлүмүнө бийликти күнөөлөшкөн. Ирандык аялдар чачын кыркып, хиджабды өрттөгөн видеолорду социалдык тармактарга массалык түрдө жарыялай башташкан.
Эки жарым айдан бери нааразылык акциялары радикалдык-экстремисттик мүнөзгө ээ болду. Тополоң уланган негизги аймактар Гилан, Хузестан, Систан жана Белужистан провинциялары, Тегеран жана Күрдистан болду.
Дээрлик күн сайын тополоңчулар ирандык мечиттердин кызматкерлерине, армияга жана коопсуздук күчтөрүнө – полицияга, ошондой эле негизги аскерий түзүмдөрдүн бири – Басиждин мүчөлөрүнө кол сала башташты.
Октябрдын аягында жана ноябрдын башында Иранда да эки теракт болгон: биринчиси Шираз шаарында, экинчиси өлкөнүн түштүгүндөгү Хузестан провинциясынын чакан шаарында.
Иран бийликтери Батыш өлкөлөрүн өз маалымат каражаттарында диверсиялык, антиирандык билдирүүлөрдү тараткан демонстранттарды колдоп, ошондой эле Иран калкын өлкөдө революциялык чараларды көрүүгө жана бийликти кулатууга чакырууда деп айыптоодо.
Укук коргоо органдары Батыш өлкөлөрүнүн, Израилдин жана Сауд Аравиянын чалгын кызматтары тарабынан жалданган адамдарды массалык түрдө камакка алууда, өлкөнүн чек араларында дээрлик күн сайын башаламандыктар үчүн арналган курал-жарактар алынууда.
Бардык жаңылыктар Телеграм каналда