Эркин күрөш боюнча кыргызстандык спортчу Айаал Лазарев (125 кг) Азия оюндарынын коло байгесинин ээси болду.
Айаал Лазарев бүгүн, 7-октябрда таймашка чыгып, 1/8 финалдагы биринчи беттешинде индиялык балбанды 10:0 эсебинде жеңген. Ал эми чейрек финалда монгол балбанынан жеңилүү ызасын тарткан. Бирок монголиялык спортчу финалга чыккандыктан, Лазарев 3-орун үчүн беттешке чыгууга мүмкүндүк алган.
Коло үчүн беттеште ал өзбекстандык балбан менен күрөшүп, акыркы мүнөттө жеңишке жетти.
Биздин Телеграм каналга катталыңыз