Кытайдын Ханчжоу шаарында өтүп жаткан Азия оюндарынын алкагында кыргызстандык боксчу Нуржигит Дүйшебаев 1/8 финалга чыкты. Бул тууралуу Дене тарбия жана спорт департаментинен билдиришти.
Мушкер Нуржигит Дүйшебаев 25-сентябрда 51 кг салмакта таймашка чыгып, биринчи беттеши 1/16 финалдан башталган. Анда ал иорданиялык атаандашын жеңген.
Эми ал 1/8 финалда беттешке чыгат.
Эскерте кетсек, буга чейин, 24-сентябрда 63 кг салмакта беттешкен Аскат Култаев атаандашын 2-раундда нокаут менен жеңип, 1/8 финалга чыккан.
Азия оюндары: Кыргыз мушкер биринчи атаандашын нокаут менен жеңди
Биздин Телеграм каналыбызга катталыңыз