Кыргызстандык боксчу Нуржигит Дүйшөбаев Кытайдын Ханчжоу шаарында өтүп жаткан Азия оюндарынын чейрек финалына чыкты. Бул тууралуу Дене тарбия жана спорт департаментинен билдиришти.
Спортчу 51 кг салмакта күч сынашууда.
Бокс боюнча мелдеш 24-сентябрда башталып, Нуржигит Дүйшөбаев 1/16 финалдагы биринчи беттешинде иорданиялык спортчуну жеңген.
28-сентябрда 1/8 финалда ал афганистандык мушкер менен беттешип, атаандашы жеңилүү ызасын тарткан.
Эскерте кетсек, буга чейин 63 кг салмакта беттешкен Аскат Култаев чейрек финалга чыккан.
Биздин Телеграм каналыбызга катталыңыз