Кытайдын Ханчжоу шаарында өтүп жаткан Азия оюндарында ушу-саньда боюнча кыргызстандык эки мушкер коло байге алды.
Маалым болгондой, 56 кг салмакта Авазбек Аманбеков жана 75 кг салмакта Темирлан Аманкулов жарым финалда атаандаштарына жеңилип, коло байгенин ээси болгон.
Бул эки коло менен Кыргызстандын Кытайда өтүп жаткан Азия оюндарында алган медалдарынын саны 3кө жетти. Буга чейин дзюдочу Эрлан Шеров Кыргызстанга биринчи байгени, ошол эле учурда биринчи алтынды алып берген.
Шеров Кыргызстандын тарыхында Азия оюндарында алтын алган биринчи дзюдочу болуп калды.
Темирлан Аманкулов
Авазбек Аманбеков
Биздин Телеграм каналыбызга катталыңыз