Кытайдын Ханчжоу шаарында өтүп жаткан Азия оюндарында кыргызстандык жөө күлүк Сардана Трофимова коло байге алды. Бул тууралуу Дене тарбия жана спорт департаментинен билдиришти.
Маалыматка караганда, бүгүн, 5-октябрь күнү жеңил атлетика, анын ичинде марафон боюнча жарыштар өттү.
Сардана Трофимова марафон (42 чакырым 195 метр) боюнча жарышка катышып, 3-орунга татыган. Сардана Трофимова 42,2 чакырымды 2 саат 28 мүнөт 41 секундда чуркап өткөн. Бул жарышка 17 спортчу катышкан.
Эскерте кетсек, учурда Азия оюндарында кыргызстандык спортчулар 3 алтын, 4 коло байге алды.
Биздин Телеграм каналга катталыңыз