Бүгүн, 1-сентябрда Чүй облусунун Аламүдүн районундагы «Ала-Арча» эс алуу жайында чыккан өрттү өчүрүү иштери улантылууда. Бул тууралуу Өзгөчө кырдаал министрлигинин басма сөз кызматы билдирди.
«1-сентябрдын саат 07:00дөн баштап ӨКМнин жалпы 199 куткаруучусу өрттү толук өчүрүү иш-чараларын жүргүзүүдө.» — деп билдирди.
Белгилей кетсек, 31-август күнү Ала-Арча эс алуу жайында тоонун боорунда жана чокусунда бадал өсүмдүктөрүнөн жана куураган чөптөн өрт чыгып, саат 20:15те чектөөгө алынган.