Бүгүн, 19-декабрда Матраимовдордун үй-бүлөсүнүн “Азаттык”, “Kloop.kg”, 24.kg жана кабарчы Али Токтакуновго каршы жазган арызынын негизинде алгачкы сот отурум болот.
Бишкек шаардык сотунун басма сөз кызматы билдиргендей, отурум Свердлов райондук сотунда, саат 14:00дө башталат.
Белгилей кетсек, Матраимовдордун үй бүлөөсү 9-декбарда үч басылманы жана журналистти сотко берип, жалпы өлчөмү 60 миллион сомдук доо койгон.
Свердлов райондук соту 10-декабрда басылмалардын банк эсептерин камакка койгон. Коомчулуктун талкуусунан кийин Матраимовдордун адвокатынын арызынын негизинде эсептер кайра камактан чыгарылган.