Нурия Кутнаева санариптик өнүктүрүү министри жана Гүлнара Баатырова эмгек, социалдык камсыздоо жана миграция министри болуп дайындалды. Бул тууралуу президенттин маалымат кызматы билдирди.
Тиешелүү жарлыктарга президент Садыр Жапаров кол койгон.
Эскерте кетсек, буга чейин Баатырова саламаттык сактоо министри кызматын ээлеп келген. Анын ордуна министр болуп Алымкадыр Бейшеналиев дайындалды.
Кутнаева 2014-2018-жылдары президенттин аппаратында иштеген. 2018-2021-жылдары «Түндүк» мамлекеттик ишканасын жетектеген. 2021-жылдан бери Жеке маалыматтарды коргоо боюнча агенттиктин директору болуп иштеп келген.
Биздин Телеграм каналга катталыңыз