Кыргызстандын Коопсуздук кеңешинин катчысы Бактыбек Бекболотов ЖККУнун киберкоопсуздук маселелери боюнча форумун жыл сайын өткөрүү демилгесин көтөрдү. Бул сунушту ал “Союзники. ОДКБ” басылмасына берген маегинде билдирди.
Анын айтымында, иш-чаранын жаңы форматы туруктуу өнүгүүгө ээ болуп, күн тартиби кеңейген, практикалык жыйынтыктары бар жыл сайын өтүүчү форумга айланышы мүмкүн. Форумга «Ысык-Көл кибердемилгеси» аталышын берүү сунушталды.
Форум өтүүчү жер боюнча эки вариант каралууда: туруктуу негизде Кыргызстанда өткөрүү же уюмга төрагалык кылган мамлекеттердин ортосунда кезектешип өткөрүү.