14-январга караган түнү Ысык-Көл облусунун аймагындагы жол кырсыгынан эки адам каза болду. Бул тууралуу Өзгөчө кырдаалдар министрлиги билдирди.
Мекеменин маалыматына караганда, кырсык Балыкчы-Каракол унаа жолунда катталган.
Анда “Камаз” үлгүсүндөгү оор жүк ташуучу унаа менен “Мерседес-Ман” үлгүсүндөгү оор жүк ташуучу унаалар кагышкан.
Кырсыктын кесепетинен “Камаз” үлгүсүндөгү унаанын кабинасы күйүп 2 эркек киши каза болуп, 2 эркек киши жабыркаган. Каза болгон адамдардын жансыз денеси ИИМдин кызматкерлерине өткөрүлүп берилген, ал эми жабыркаган адамдар тез жардам аркылуу оорканага жеткирилген.
