Баткендин Кызыл-Кыя шаарында жасалма акча алмаштырып, изин жашырып кеткен жаран кармалды. Бул тууралуу облустук милициядан билдиришти.
Милициянын маалыматы боюнча, 2023-жылы ноябрда Кызыл-Кыядагы банктардын бирине белгисиз жаран келип, жасалма 7 миң доллар алмаштырып кеткен.
Аталган факт боюнча «алдамчылык» беренеси менен кылмыш иши козголгон.
Иликтөө иштеринин натыйжасында шектүү катары Оштун Ноокат районунун 28 жаштагы тургуну (М.М.) Бишкек шаарынан кармалып, Баткенге алып келинген.
Ал убактылуу кармоочу жайга камакка алынды.
Тергөө иштери уланууда.