5-январь күнү Молдовановкадагы №31 абакта каза болгон Арстан Абдылдаевдин өлүмүнүн себептерин аныктоо боюнча соттук-медициналык, соттук-биологиялык, соттук-трассалогиялык, соттук-психиатриялык жана башка тийиштүү амалдары жүргүзүлүүдө. Бул тууралуу Башкы прокуратура билдирди.
Маалыматта маркумдун электрочайнектин зымын (шнур) сүлгүсү менен байлап ашкананын тамактануучу бөлмөсүндө асынып алганы айтылат.
Башкы прокуратура дагы Абдылдаевдин моюнунда зымдын изинен башка криминалдык күч колдонгон башка жаракаттар аныкталбаганын белгилейт.
Учурда тергөөгө чейинки текшерүү иштери башталды. Анын жыйынтыгы менен мамлекеттик органдарынын кызмат адамдарынын кыймыл аракеттерине карата юридикалык баа берилет.