Орусияда кыргыз жаранынын киши колдуу болуп каза тапкан жансыз денеси табылды. Бул тууралуу Piter.TV басылмасы жазып чыкты.
Маалыматка ылайык, 21-декабрда Орусиянын Ленинград облусундагы Приозерск шаарындагы уйлөрдүн биринин жер төлөсүнөн башына баштык кийгизип, буттары байланган жансыз дене табылганы тууралуу полицияга маалымат түшкөн.
Полиция иликтөө иштерин жүргүзүп, анын дайынсыз болуп изделип жаткан 45 жаштагы кыргызстандыктын сөөгү экенин аныкташкан.
Ошондой эле маалыматта кыргызстандыкты өлтүрүүгө шектелип, 52 жаштагы жергиликтүү тургун кармалганы айтылат.