Баткен облусунун Кызыл-Кыя шаарындагы №43 жатак абагынын жерлеринде чөп чабык иштери жүрүүдө. Бул тууралуу Жазаларды аткаруу кызматынан билдиришти.
Учурда беде айдалган талаадагы чөптөрдүн чабыгы жүрүүдө.
«Андан тышкары 1 гектарга уй беде, 1 гектарга жүгөрү жана 2 гектарга пияз тигилген. Мекеменин башкармалыгы бул жерлерден мол түшүм алууну үмүттөнүүдө», — деп айтылат маалыматта.
Ошондой эле мал чарба фермасы быйылга белгиленген эттин планын аткарууну көздөөдө. Ал эт облустагы башка камак жайлар арасында бөлүштүрүлөт.
№43 жатак абагында 100 миң даана чийки кыш куюу пландалууда. Ошондой эле, бул абакта калкты тейлеген унаа жуучу жайы бар.
Бардык жаңылыктар Телеграм каналда
