Баткендин 90 жаштагы тургуну, Абилова Ташбүбү апага үйдүн курулушу башталды. Бул тууралуу облустук администрациядан билдиришти.
Ташбүбү апанын туруктуу жашаган турак жайы жок, 53 жаштагы мүмкүнчүлүгү чектелген кызы менен кароосуз калган ар кандай эски үйлөрдө баш калкалап келген.
Президентинин Баткен облусундагы ыйгарым укуктуу өкүлү Абдикарим Алимбаевдин демилгеси, каржылык колдоосу жана облустук мекеме ишканалардын жетекчилеринин салымы менен ага үй курулуп баштады.
Кара-Бак айыл аймагынын Алты-Адыр айылынан турак жай салуу үчүн 10 сотых жер участогу бөлүнүп берилди. Жергиликтүү бийлик Ташбүбү апаны 31-августка карата жаңы үйгө киргизмечки.