Баткен облустук соту Тажикстандын жарандары Анвар жана Юсуфга (аты өзгөртүлдү) өкүм чыгарды. Бул боюнча маалымат соттун токтомунда айтылат.
Токтомдогу маалыматтарга караганда, буга чейин райондук сот Анварды күнөөлүү деп таап, 8 жылга эркинен ажыратып, 280 миң сом айып салган. Юсуф 280 миң сом айып пул төлөп, өмүр бою эркинен ажыратуу өкүмүн чыгарган, ошондой эле жабырлануучунун пайдасына 8 миллион 7 миң сом материалдык чыгым өндүрүлсүн.
Анвар Тажикстандын жараны . Ал Лейлек районунда убактылуу жашап турган. 2021-жылдын 29-апрелинде Тажикстандын Кыргызстанга каршы куралдуу агрессиясына катышкан деп айыпталууда. Тажик аскер кызматкерлеринен Калашников автоматын алып, Жаңы-Жер айыл аймагынын Борбордук айылын тоногон.
Ал айылдагы «Бостон» дүкөнүн тоноп, өрттөп жиберген ( 8 млн 700 миң сом зыян келтирген). Ошондой эле жеке үйлөрдү, май куюучу жайларды, дүкөндөрдү, дарыканаларды, тойканаларды, кафелерди, кампаларды, поликлиникаларды, бала бакчаларды, мектептерди, чек ара заставаларын жана башкаларды талап-тоноого, өрттөөгө катышкан.
Сотто айыпталуучулар күнөөсүн мойнуна алышкан жок.
Жыйынтыгында соттук коллегия райондук соттун чечимин өзгөрттү. Анвар менен Юсуф 20 жылга эркинен ажыратылды.