Баткен районунда аткезчилик жүк менен ташылып бара жаткан 6060 банка энергетикалык ичимдиктер кармалды. Бул тууралуу УКМКнын басма сөз кызматы билдирди.
Маалыматка караганда, 18-майда Баткен районунун Жаңы-Жер айылынын аймагында, Сох анклавына жакын жерде, УКМК ЧК кызматкерлери менен биргеликте “Мерседес Бенц Спринтер” жана “Фольксваген Крафтер” үлгүсүндөгү унааларынын айдоочулары Б.Н. жана С.М. кармалган.
Алар жалпы баасы 1 миллион сомдон ашык болгон 6060 банка энергетикалык суусундуктарды ташып бара жатышкан.
Бул факт маалыматтарды каттоо журналына катталып, азыркы учурда тергөөгө чейинки текшерүү иштери жүрүп жатат.
