5-август күнү Баткен облусунун аймагында жер титирөө болду. Саат 14:18де болгон жер титирөөнүн очогундагы күчү 5 баллга жетти, деп маалымдайт Сейсмология институту.
Жер титирөө Баткен облусунун Баткен районунун Кара-Бак, Чоң-Талаа айылдарында 5 балл, Баткен шаарында жана Бужум, Боз-Адыр айылдарында 4,5 балл жана Айдаркен айылында 3 баллга чейин сезилген.
Алдын ала маалымат боюнча, жер титирөөдөн жабыркагандар жана кыйроолор катталган эмес.